影片
更多
2017-04-18
1305 瀏覽
太耐無去過深圳揼骨喇，今次難得可以同埋家姐去，晚飯梗係要去食好嘢啦，小肥羊／鐵板燒／水煮魚已經食過，今次就試下响Openrice排名幾高既<<外婆家>>，估唔到17:30到達都已經迫滿等位既人，我哋一等就等咗個半鐘，幸好食肆出面有大量櫈比顧客座，仲有就係張menu裡面有太多選擇，淨係揀餸菜都已經用咗半個鐘，响商場行下睇下又用咗半個鐘，但如果太肚餓的話，我建議試食其他食肆啦，反正出名食肆多的是。蒜泥白切肉好味在半肥半瘦既爽口肉片，仲有酸酸辣辣既味道，唔食辣既我都忍唔住食咗幾塊，必試！夫妻肺片全晚重點推介，唔食走寶！肉片帶點麻辣，口感難以形容，大家清得最快既一碟小菜溫州鴨舌呢個小食有點兒令我失望，口感比較硬身，無骨肉分離效果，加上味道帶甜，唔太討好大烤茄子茄子烤得啱啱好，水份仍然保留到，再加上惹味蒜頭同蔥，好味到停唔到口外婆紅燒肉邪惡既紅燒肉又嚟喇，小鍋裡面除咗有6件肥瘦比例各佔一半既紅燒肉外，仲有荀同無骨鯪魚，紅燒肉入口即溶，好味到爆燈，鯪魚味道同口感都係罐頭果D，必食推介！口味豬手味係ok既，但一隻豬手實在太細，無乜肉味，不值一試蒜蓉扇貝$8一隻非常抵，
蒜泥白切肉好味在半肥半瘦既爽口肉片，仲有酸酸辣辣既味道，唔食辣既我都忍唔住食咗幾塊，必試！
夫妻肺片
全晚重點推介，唔食走寶！肉片帶點麻辣，口感難以形容，大家清得最快既一碟小菜
溫州鴨舌
呢個小食有點兒令我失望，口感比較硬身，無骨肉分離效果，加上味道帶甜，唔太討好
大烤茄子
茄子烤得啱啱好，水份仍然保留到，再加上惹味蒜頭同蔥，好味到停唔到口
外婆紅燒肉
邪惡既紅燒肉又嚟喇，小鍋裡面除咗有6件肥瘦比例各佔一半既紅燒肉外，仲有荀同無骨鯪魚，紅燒肉入口即溶，好味到爆燈，鯪魚味道同口感都係罐頭果D，必食推介！
口味豬手
味係ok既，但一隻豬手實在太細，無乜肉味，不值一試
蒜蓉扇貝
$8一隻非常抵，每人一隻唔駛爭，扇貝本身幾爽口，加埋我最鍾意既蒜蓉，一啖一隻有d唔夠喉
干煸四季豆
非常有鍋氣，炒得干身一d都唔油，好味過香港果d上海飯店，唔需要太多配料已經好好味，推介！
外婆烤羊排孜然粉係我至愛，肉醃得非常入味，可惜份量太少同唔夠啖啖肉
杭州卥鴨
卥得好入味，鴨啖啖肉唔鞋，但記住食之前點一下碟底既醬汁
蒜茸粉絲蝦
蝦非常彈牙，最貼心係去頭去殼，加埋粉絲一齊食好味，可以一試！
外婆小牛肉
口感一d都唔似牛肉，似豬肉多d，但炸得好香脆可口，送酒一流呀
雙皮奶大約等10-15分鐘，好味過香港有名糖水鋪好多，雙皮奶真係夠熱夠滑夠奶，好後悔只叫咗一個
四人共消費：CNY400
後記：實在太抵太多選擇太好味喇，叫到成枱餸都唔駛１００人民幣一個人，20分鐘餸菜全部上晒，效率奇高，有機會下次都會再嚟！
張貼
