影片
更多
2013-07-30
39 浏览
睇过戴维斯嘅介绍，对悦榕庄那锅佛跳墙心动已久，咁啱众食友相约，当然系立马应承啦！地点有啲偏僻，去程比较迂回，原来在葵蓬桥脚，旁边都有公交车站，不过有车会方便啲。门面唔系好起眼，开车嘅好容易会睇漏眼。步入庄园却别有洞天，环境布置都几舒适的，露天位仲带些西式风格，有人话依道似丽江呢~订咗最大个房就餐（真系几大间嘅），入型入格嘅年轻CEO好热情招呼，介绍咗依道比较有特色嘅出品，当然主力推荐个煲佛跳墙啦，令我地甚为期待~~点咗几个盐焗菜式、佛跳墙、煎焗鱼头、煎酿尖椒、上汤南瓜苗、焖雁鹅、蒜蓉炒辣椒叶、陈村粉。最先上台嘅系煎酿尖椒，卖相都唔错，用鱼肉酿嘅。因为后面嘅才陆续上来，顾住影相，转得两圈就已经食晒了，我想食都食唔到啊~~睇来应该几正嘅。跟住就系好香好惹味嘅盐焗王蛇，蛇碌几粗，好厚肉，肉质鲜嫩，用盐焗嘅做法相当好食，沙姜味好浓郁但唔会抢走食材鲜味~正！同样系盐焗嘅野味~夜游，肉唔多，但烟烟韧韧好有嚼头，几啱送酒嘅菜式，我几中意食。最后一个盐焗菜系乳鸽，依道选用嘅系比较大只接近成鸽嘅，所以肉比较多。肉质都几嫩，几香几入味。主角佛跳墙上场啦~~好大一煲！汤色奶白浓郁，香飘四座。捞下煲内材料实在
地点有啲偏僻，去程比较迂回，原来在葵蓬桥脚，旁边都有公交车站，不过有车会方便啲。门面唔系好起眼，开车嘅好容易会睇漏眼。步入庄园却别有洞天，环境布置都几舒适的，露天位仲带些西式风格，有人话依道似丽江呢~
订咗最大个房就餐（真系几大间嘅），入型入格嘅年轻CEO好热情招呼，介绍咗依道比较有特色嘅出品，当然主力推荐个煲佛跳墙啦，令我地甚为期待~~点咗几个盐焗菜式、佛跳墙、煎焗鱼头、煎酿尖椒、上汤南瓜苗、焖雁鹅、蒜蓉炒辣椒叶、陈村粉。最先上台嘅系煎酿尖椒，卖相都唔错，用鱼肉酿嘅。因为后面嘅才陆续上来，顾住影相，转得两圈就已经食晒了，我想食都食唔到啊~~睇来应该几正嘅。
跟住就系好香好惹味嘅盐焗王蛇，蛇碌几粗，好厚肉，肉质鲜嫩，用盐焗嘅做法相当好食，沙姜味好浓郁但唔会抢走食材鲜味~正！
同样系盐焗嘅野味~夜游，肉唔多，但烟烟韧韧好有嚼头，几啱送酒嘅菜式，我几中意食。
最后一个盐焗菜系乳鸽，依道选用嘅系比较大只接近成鸽嘅，所以肉比较多。肉质都几嫩，几香几入味。
主角佛跳墙上场啦~~好大一煲！汤色奶白浓郁，香飘四座。捞下煲内材料实在丰富，有鲜鲍、花胶、响螺片、鸡、白贝、水鱼……蛋白质含量高啊！原来除咗材料丰富，这汤亦系熬制过嘅浓高汤，功夫十足，认真系滋补养颜嘅靓汤啊~~姑且勿论这佛跳墙正宗与否，你的舌头味蕾已经话你知正唔正了！
大锅焖雁鹅，分量够多，用粉葛一齐焖，好入味，肉够淋，葛够粉，味道浓郁而不腻~
煎焗鱼头~煎得够香脆，味道适中，听闻系从毋米粥过档嘅大厨烹制嘅~
蒜蓉炒辣椒叶，菜够嫩，不过不失吧~~上汤南瓜苗就因为已经过咗最佳食用时间，菜苗有点老，唔嫩口了，可惜~
炒陈村粉，都几好食，不过前面实在太丰富，食至此已觉饱滞，食炒粉会有啲腻~
依餐实在丰富，单系一煲佛跳墙已经令我地众口交赞，盐焗菜式亦相当有风味，其他菜式都有一定水准，认真满意。最后提醒下，要食个煲佛跳墙一定要提早预订，因为烹制费时~中午价位系198/煲，晚上系328/煲，材料一样，就系汤分量唔同。山庄以山珍野味为主打，价位有高有低，就睇你有乜需求了~~
张贴
