大渔

营业中

休息中

尼间大渔既位置向华乐路里面既大厦二楼，其实如果唔系去开，都几难稳。上到去，睇见距D装修好有日本风格，有大堂同房。D房系日式榻榻米房，都几特别。仲可以坐向铁板烧台前面，可以一边吃，一边睇下D师傅表演下整铁板烧既技巧。特别系个师傅落配料飞起个调味瓶果下，同埋向块铁板度一落料酒起火果下，真系好型仔！有得吃又有得睇表演，唔错。可以选择吃自助餐同散点，自助餐160元左右一位，铁板烧、刺身。寿司、日式料理、清酒、梅酒、汽水....全部都可以任饮任吃。好锺意距地果度出品既梅酒，酸酸甜甜咁，又唔系太重酒味，女士饮就最适合。而清酒就可以选择冻饮同热饮都得。D刺身好肥美，特别系D三文鱼同北极贝，好新鲜。而铁板烧就现场烧俾你吃，我就最锺意个玫瑰牛舌，够晒厚肉，又香口，吃到停唔到口。个芝士青口贝好香芝士味，味道搭配得好好，唔会太腻，上面仲有D鱼子，吃落口好好口感。总体黎讲，虽然话个价钱唔平，但系都物有所值咯。