發仔大排档 (吉大店)

營業中

休息中

喺地圖搵到的大排檔，本身擔心會食到出晒汗，原來係一個室內的地方，舖頭係一樓，（因為有老人家坐輪椅）有升降機可以使用，下面可以泊車，適合港車北上的港人，座位非常之多，一入到去有幾個霓虹燈做的打卡位，十分特別。我哋點了脆皮雞、海鮮粥、薑蔥炒生蠔、炒麵、蒸鮑魚、酸菜炒大腸，碟頭非常大，兩個大人一個小朋友一個老人都食唔晒。炒麵好大碟，味道正常發揮酸菜炒大腸，大腸份量較少，如果喜歡食大腸可以令吓其他。薑蔥炒生蠔好好味，生蠔新鮮粉絲蒸鮑魚，鮑魚仔已經幫你起咗出嚟，粉絲吸收晒啲蒜蓉汁好味。蝦蟹粥，粥底好綿一家人都非常之鍾意食，全部食晒。脆皮雞係店舖推介，雞係滑嫩但食落去鹹咗啲。