丹桂轩 (罗湖商业城)

營業中

休息中

好耐無去深圳，今日要去銀行辦理事情，攪掂晒就去丹桂軒食埋晚飯先返香港，去到未夠6點還未坐滿客不用等位，但坐下半個鐘後就全場坐滿了。開始行進去時就一路聞到陣陣好香的川芎魚頭湯的味道，好想飲但兩個人飲唔到，只好聞咗索咗當飲咗，仲有片皮鴨￥228有兩吃都好想食呀，又係食唔到真慘。只好叫碟鐵板刀削杏鮑菇，上菜時以為鵝腸原來係杏鮑菇，咬落煙韌彈牙脆脆地，唔同平時食的質感， 個醬汁令到杏鮑菇好惹味食到唔停口 。三杯雞就一般雞肉鞋咗啲。肥牛米線保持水準，另外加￥48叫個生菜，當煮完肥牛米線個湯可以灼生菜，食飽送每人一碗西米露。埋單張單印住￥339 如港幣$394， 下次都係多些人一齊食，好耐無來都一樣保持水準，味道好好。