羲和·京致 (深圳萬象城)

朋友帶路，預先搶咗特價優惠，第一次試食呢間出名嘅北京烤鴨。

烤鴨都係由師傅喺你面前現場切片，佢會分成幾個部分，包括鴨胸皮、鴨胸肉同鴨腿肉。另外仲會上一個八寶盒，裏面有好多唔同醬汁同配料，當中比較特別嘅係一啲好似薯片嘅脆片同埋爆炸糖，原來呢啲配烤鴨都好好食，可以增加唔同口感同風味。

講返啲鴨，鴨胸皮好鬆化但又唔太油，鴨肉都好入味，加上唔同配料造成嘅配搭，食好多件都唔會覺得單調。另外飲咗鴨湯，清清地唔會好油可以解膩。

食完隻鴨已經好飽，臨尾加多一客驢打滾做結尾，佢唔會太甜質地又好煙韌，非常好食。

羲和烤鴨

驢打滾