海底捞火锅 (金光华广场)

營業中

休息中

今次係第二次來海底撈，都係同同一班朋友。今次係其中一個朋友老公未食過，想試，所以就來食。上次我食完後疴咗10次，疴到腸胃炎。大陸嘢食真係要淥熟啲，所以今次肥牛我都淥耐啲，唔敢淥一淥算，所以今次就無事。海底撈而家有Hoegaarden draft，我飲咗一杯，打邊爐飲清清哋啤酒好解渴。湯底選咗鴛鴦 - 麻辣及椰子雞。個人鍾意食椰子雞多啲，清清甜甜，淥完再甜自己拼嘅醬。不過有朋友一向嗜辣，極愛麻辣湯。芝心牛丸 - 芝士心，咬落去，少少芝士流出來，好食，芝士唔會太多，啱我呢啲唔係太好芝士嘅人；魚 - 呢隻魚肉好滑，較腍身，都幾好食。個人鍾意食脆鯇腩多啲。不過試下新嘢都ok。鵝腸 - 爽口，好食；肥牛 - 一般；羊肉 - 一般，切得太薄，淥完得少少。落麻辣湯好啲，可以辟羊膻味；手工拉麵 - 表演一分鐘，台下十年功。好睇又好食，手工拉，粗幼不一，一人一條試少少份量啱啱好；淮山 - 用來打邊爐，口感麻麻；粟米 - 浸完椰子雞湯，好甜又爽口；總扣來講，服務係好嘅，叫手工拉麵又有表演睇。但嘢食認真一般，湯底又唔係特別正，香港開咗我都唔會話要特登去朝聖。