喜鹊环宇美食自助餐 (已結業)

之前听好多朋友讲呢间野吃自助餐好正，吃过都仲想再去，不过本人就无去过嘞，今日去唔系为左吃自助餐，系谂住同个小姨甥庆祝距既节日，所以我地就拣左中午时间来呢度饮茶。服务员态度好好，见到我地有小朋友就俾左张相对无甘嘈既台我地，一坐落我就拿拿声点野吃嘞，事关个肚已经开始咕咕叫。素菜饺，甘笋流沙包，腩汁猪肠粉，香蕉饼，艇仔粥，香芒绿茶薄撑，葡挞，苹果酥，哈哈，点完一睇几乎都系香口野。素菜饺味道唔错，流沙包就麻麻，唔知系油落得多定蛋黄少，一咬流出来既系一层油甘既液体而唔系蛋黄沙汁；腩汁猪肠粉无乜特色，感觉比街边既面店做得仲差；香焦饼吃唔出香蕉味；艇仔粥唔错，粥底好绵，我最钟意吃；香芒绿茶薄撑几好，我最钟意吃甜薄撑，仲有块芒果肉添，正吖~~喜鹊靓葡挞，吃落似系普通蛋挞，完全感觉唔到距系葡挞，因为价钱同蛋挞一样，怀疑系同一种货仔。。苹果酥卖相唔错，外层D皮都算酥软，苹果味就只系有一DD。因为点既都系D唔顶肚既野，所以后尾又加左鲜虾香茜饺，燕麦包同腊味萝卜糕，不过就无影到相嘞。萝卜糕同香茜饺都OK，燕麦包几松软，唔会太硬。总体来讲喜鹊D点心都算唔错，饮茶来讲价钱都算贵噶，不过系北京路呢个黄金地段平极都有