影片
更多
2014-09-24
7 瀏覽
7年前從香港請廚師到廣州嘅甜品舖整馬來咖哩，我第一日就有去食，當時賣$12-$14，冇嘢飲，有4至5款，冇記錯嘅話當日嗌咗咖哩牛肉飯，咖哩牛肉用飯碗上，大半碗，飯用碟另上。我只可以講，當時我食到要求加咗兩次咖哩汁(雖然每逢好味嘅汁我都會要求加汁)，個老闆娘都托手㬹(可能係我邊食邊讚)，結果我由每客$12-$14食到$18-$20。之前應該有兩年冇食，今日9月23號，6點半至7點，經過見到間舖仲喺度，門口menu寫著有南洋咖哩，就入去想緬懷下以前嘅味道。嗌咗客咖哩豬扒飯(因為冇牛腩)，$26有杯冇冰嘅檸茶，放上枱賣相唔差，一碟過但係飯同咖哩有分開。當時肚餓，一啖咖哩連飯放落口，嘩! 勁鹹，發生咩樹？再試淨係食咖哩，都係勁鹹。心諗係咪我自己問題，再用叉點幾個位置嘅咖哩嚟試都係拱，同個女侍應生講，佢話換個碟一樣嘅，我又諗:啲咖哩唔係同一煲㗎咩？啲咖哩味點會唔同咗？算，俾佢點一次，反正我仲想食。。。5分鐘後再嚟第二碟，啲咖哩淡咗色，望清楚睇得出加水再煮，都算，諗住好味都過關，決定只試咖哩。嘩! 都係勁鹹，真係只將原來嘅咖哩加水煮。結果我即刻放低匙羹，揹袋行人，免得要即場有爭執。一間食咗7年嘅咖
我只可以講，當時我食到要求加咗兩次咖哩汁(雖然每逢好味嘅汁我都會要求加汁)，個老闆娘都托手㬹(可能係我邊食邊讚)，結果我由每客$12-$14食到$18-$20。
之前應該有兩年冇食，今日9月23號，6點半至7點，經過見到間舖仲喺度，門口menu寫著有南洋咖哩，就入去想緬懷下以前嘅味道。
嗌咗客咖哩豬扒飯(因為冇牛腩)，$26有杯冇冰嘅檸茶，放上枱賣相唔差，一碟過但係飯同咖哩有分開。當時肚餓，一啖咖哩連飯放落口，嘩! 勁鹹，發生咩樹？再試淨係食咖哩，都係勁鹹。心諗係咪我自己問題，再用叉點幾個位置嘅咖哩嚟試都係拱，同個女侍應生講，佢話換個碟一樣嘅，我又諗:啲咖哩唔係同一煲㗎咩？啲咖哩味點會唔同咗？算，俾佢點一次，反正我仲想食。。。
5分鐘後再嚟第二碟，啲咖哩淡咗色，望清楚睇得出加水再煮，都算，諗住好味都過關，決定只試咖哩。嘩! 都係勁鹹，真係只將原來嘅咖哩加水煮。結果我即刻放低匙羹，揹袋行人，免得要即場有爭執。一間食咗7年嘅咖哩嘅甜品舖，就拱被blacklist.
題外話/補充資料：
之前有試過甜品係香港style嘅，都好味嘅，但今次冇試，算罷!
(以上食評乃用戶個人意見 , 並不代表OpenRice之觀點。)
張貼