大家乐餐厅

營業中

休息中

系宝岗打完羽毛球后讨论左好耐，都系决定去大家乐食午饭。中午时分客人好多，但我地入去之后，服务员都落力问我地几位，好快就为我地安排好座位。我点了一份照烧鸡扒滑蛋饭，19蚊配一杯金桔柠檬苏打水，夏天出左好多新饮品，有冰镇奶茶啊，香芒杨枝金露等等，都几吸引，于是点餐时加7.5换配了一杯原价为12蚊的冰镇奶茶。上餐好快，照烧鸡扒滑蛋饭的饭好硬，可能微波炉加热得太耐了吧，要加汤先可以食，咪先肠胃顶唔顺；照烧鸡扒有五六块，肉量都算多，个汁几好味，好送饭；滑蛋得好少，只有几条蛋丝，而且唔滑。冰镇奶茶不过不失，唔会好似传统港式奶茶咁苦涩，都唔会太甜，好大樽。另外有同事点了咖喱猪扒饭，20蚊配一杯金桔柠檬苏打水，猪扒是炸的，比较热气，但份量比我点的照烧鸡扒滑蛋饭多。仲有照烧鸡扒豚骨拉面，22蚊无配送饮品，入面有卤蛋，冬菇，照烧鸡扒另外用碟装的，但只有四块，汤底的味精味唔会太劲，拉面唔会太硬，应该好不错。