达杨原味炖品

營業中

休息中

达杨炖品店，每次去都系要排队的，而且无论春夏秋冬都系咁多人，特别系夏天啊，明明热到乜嘢咁，都唔知点解仲系咁多人。不过可能因为炖品费时，而且比较热，要等距凉少少先可以饮，所以周转的确唔可以咁快，亦都造成翻桌率无咁快啦。最中意就系椰子炖鹧鸪和椰子炖乌鸡，女生饮超补啊，以前妈妈最中意就系秋冬带我过来啦。每次都好想食椰子架，不过D肉比较难整出来，如果打包带走又觉得翻到去无咁好饮，所以好多时系果度饮都食唔到椰子肉，比较浪费咯。炖汤好够火候，虽然周边都有几间炖品店，但系始终觉得呢间正宗D同埋真材实料D，所以就算排队都要等。