影片
更多
2013-03-21
39 瀏覽
每次去逛北京路的时候都好少行入去禺山路的，其实呢一条短短的路都有好多美食的，真系估唔到。听朋友讲，呢度有间越茗苑都唔错的，起码地方够大，有2层，唔洗去惠福路个度逼，而且呢度有茶市，出品味道都唔错的，所以今次同朋友出来聚聚，就过咗来呢度饮茶。12点左右都非常的多人，服务员唔多，人手严重不足，叫人落单都叫咗半个钟，呢个真系我意料之外的，而且人多，环境非常的吵，阿姨阿叔好似开虚咁，吵过个市场啊！地方系比较大，位置都几多吓，2楼都有开设的，不过我地觉得2楼更加无人理，所以就无上去啦。紫米卷，甜的，面皮里面包住D紫米蓉，其实味道无乜特别，同一般的包差唔多咁；当时见到系紫米，觉得会系比较健康的一款点心，点知原来系咁普通的，卖相同味道都无任何惊艳的地方；鸡丝春卷，卖相唔错的，其实要来装住春卷个件炸面皮都好脆的，一样可以吃的；春卷的外皮都几香脆，里面的馅料几足的，而且味道唔错；虾饺，呢个睇落唔错的，个头够大，包得都好靓的，外面都几通透吓的，里面系虾仁和鲜肉馅，呢个爽口啊，而且味道非常的鲜甜呢；鲜竹卷，其实系腐皮卷来的，里面系鱼滑、香芹粒、冬菇粒等，其实腐皮浸得唔系好够透，所以吃起来有D硬有D韧，酱汁会
听朋友讲，呢度有间越茗苑都唔错的，起码地方够大，有2层，唔洗去惠福路个度逼，而且呢度有茶市，出品味道都唔错的，所以今次同朋友出来聚聚，就过咗来呢度饮茶。
12点左右都非常的多人，服务员唔多，人手严重不足，叫人落单都叫咗半个钟，呢个真系我意料之外的，而且人多，环境非常的吵，阿姨阿叔好似开虚咁，吵过个市场啊！
地方系比较大，位置都几多吓，2楼都有开设的，不过我地觉得2楼更加无人理，所以就无上去啦。
紫米卷，甜的，面皮里面包住D紫米蓉，其实味道无乜特别，同一般的包差唔多咁；当时见到系紫米，
觉得会系比较健康的一款点心，点知原来系咁普通的，卖相同味道都无任何惊艳的地方；
鸡丝春卷，卖相唔错的，其实要来装住春卷个件炸面皮都好脆的，一样可以吃的；春卷的外皮都几香脆，里面的馅料几足的，而且味道唔错；
虾饺，呢个睇落唔错的，个头够大，包得都好靓的，外面都几通透吓的，里面系虾仁和鲜肉馅，呢个爽口啊，而且味道非常的鲜甜呢；
鲜竹卷，其实系腐皮卷来的，里面系鱼滑、香芹粒、冬菇粒等，其实腐皮浸得唔系好够透，所以吃起来有D硬有D韧，酱汁会比较清淡，味道一般，而且里面的肉馅都唔系咁出色；
白灼牛肉丸，肉丸好细粒的，味道调得仲算可以，不过吃落唔够爽口，而且肉味似乎唔多够浓，可以讲粉系多咗D的，呢个完全系无惊喜的；
菜干咸骨粥，其实呢度的粥一般般，唔会好绵的，但都唔会太差。菜干系好多的，咸骨的分量都可以，只系咸骨的味道唔够香，而且拿上来的时候都唔系好热的，唔似系啱啱滚出来的味道，所以肯定系会影响口感的，味道都一般，无咗个种咸骨吸引的香味。
越茗苑的长项毕竟唔系粤式点心，所以味道会系中规中矩个种，唔会有太大的惊喜的。
張貼
