藏湘馆

營業中

休息中

以前一位旧同学带我去嘅，周边其实食肆都算多，不过川湘菜馆应该呢间算系比较好吧，距话距地成日都会过来食，都食到熟晒啦。环境几唔错，果日我地去到大概6点左右，算系比较早，而且系节假日，同学话如果平时，好多人落班过来，好快就会满座。事实证明，果日我地坐落无几耐，真系好多人陆陆续续咁来，好快就坐满晒，真系唔系讲笑啊。服务方面要值得一赞，D服务员MM笑容可掬，而且态度好好，又主动，会积极咁倒水同埋问你仲有乜嘢需要，真系好唔错。点左几个川湘菜嘅例牌必点菜式同埋一D适合广东人嘅菜式，酸菜鱼，醋溜鸡蛋，木耳，上汤豆苗，饺子等，我比较中意食木耳，醋溜鸡蛋其实都几好食，应该叫醋炒鸡蛋吧，无谂过鸡蛋可以咁样整，又可以学习下啦。酸酸地，味道唔错，用来送饭就岩晒啦。