萨莉亚意式餐厅 (东急新天地)

營業中

休息中

行完恒宝广场上下九步行街谂唔到食咩我就会去东急二楼食萨莉亚，有意粉有扒类有蛋糕等等，胜在价格够便所以吸引好多食客，无论男女老少，学生哥都会嚟食~！店面唔算大..坐嘅位置都比较舒服，重点无论几多人都好上菜好快，下单都好快，服务都好快~！一如既往我都会点我喜欢嘅海鲜焗意面、海草、蜗牛、有时饿得制会点多个披萨食、仲有新出嘅鸡扒饭（人地食），海草而家得好小，两三口就食完~！蜗牛唔错（其实我觉得唔多似係蜗牛咯）一个夲装住6只蜗牛肉，浸入蒜蓉中，食落好香口，要连埋D蒜蓉先好哦，佢配有几片干包片，仲有一个食法就同个干包一齐食~！鸡扒饭，鸡肉嫩滑好香，配菜有粟米同菠菜，几有营养，饭面稍微洒咗D辣椒粉~！焗意面呢度差咗小小，D芝士焗燶咗，海鲜有虾同鱿鱼，仲有食出一个味道有小小椰奶味，带动咗香味。