石磨老爹

營業中

休息中

首先醒返大家噶系，石磨老爹除咗百灵路呢间，东山庙前直街都新开咗一间啦。中意食呢间嘢噶而且近果头噶就无谓走来百灵路食啦。我同妈子今日路过，顺便来呢度食碗芝麻糊汤圆，斋芝麻糊系8蚊一碗，加汤圆系10蚊。 食嘢环境唔多掂，间铺好细，而且明明楼上有位但又唔开喔，个个都逼埋地下食。至弊个铺噶门又好阔，冷风吹埋来，真冻鬼死啊！芝麻汤圆等咗成十几分钟先上来，龟速！碗仔细细，芝麻糊都几香滑，妈子话加芝麻噶比例都算几多下噶，汤圆得3粒，都系芝麻馅来噶。无论系汤圆定芝麻糊口感都好细腻柔滑。不过我都系觉得10蚊咁一D唔够食啊！特点：出品好，份量少！