影片
更多
2011-03-14
6 瀏覽
陶陶居系广州的老字号啦，充满西关风情的建筑，古旧的装修与现代气息相融合，成就了一个本地品牌~~ 不过数年前，陶陶居已经被幸运楼集团收购左，所以依家从本质上而言应该唔可以话系纯正的传统老店，经营权的易主亦都讲明左传统的保留同传承实属不易，唔止陶陶居，好似泮溪酒家咁，都系被四洲集团收购，维持着老字号的外壳，保存着一D古旧气息，但系从管理上及整个传承方面而言，已经无左原来嘅根基啦~~ 好啦，讲翻陶陶居本身啦~~细细个已经经常同亲戚朋友来呢度，饮茶食饭大大话话都不下百次啦~~ 最中意嘅就系饮茶，早茶、下午茶同夜茶都系大爱啊~~~ 早茶要晨早起身，同好多公公婆婆一齐，以前有点心车推住周围行，但系好多年前开始渐渐减少左，以明档或者固定摆位为主，少左一份传统味道~~ 下午茶系最超值嘅，一至五有特价点心，由最开始嘅3.5元升到4元，4.5元到5元，依家唔知仲有无呢？因为一至五已经无得休息，所以无机会饮下午茶噜~~ 夜茶都有优惠时段，试过某年圣诞节，到处都稳唔到位食饭，于是来呢度饮夜茶，西方节中式过啦，哈哈~~ 陶陶居嘅点
不过数年前，陶陶居已经被幸运楼集团收购左，所以依家从本质上而言应该唔可以话系纯正的传统老店，经营权的易主亦都讲明左传统的保留同传承实属不易，唔止陶陶居，好似泮溪酒家咁，都系被四洲集团收购，维持着老字号的外壳，保存着一D古旧气息，但系从管理上及整个传承方面而言，已经无左原来嘅根基啦~~
好啦，讲翻陶陶居本身啦~~细细个已经经常同亲戚朋友来呢度，饮茶食饭大大话话都不下百次啦~~
最中意嘅就系饮茶，早茶、下午茶同夜茶都系大爱啊~~~
早茶要晨早起身，同好多公公婆婆一齐，以前有点心车推住周围行，但系好多年前开始渐渐减少左，以明档或者固定摆位为主，少左一份传统味道~~
下午茶系最超值嘅，一至五有特价点心，由最开始嘅3.5元升到4元，4.5元到5元，依家唔知仲有无呢？因为一至五已经无得休息，所以无机会饮下午茶噜~~
夜茶都有优惠时段，试过某年圣诞节，到处都稳唔到位食饭，于是来呢度饮夜茶，西方节中式过啦，哈哈~~
陶陶居嘅点心好好味，最中意系雪梅娘、牛羊杂汤、凤爪、牛仔骨、排骨同埋紫菜虾饺……其实粤式点心真系博大精深，一日一夜都讲唔晒，一个星期都食唔完~~
至于饭市方面都来过好多次，有同爸爸妈妈来嘅，有饮宴而来，有同朋友同学一齐来，呢度都系以传统粤菜为主，色香味俱全，价钱中等至中上啦~~
除左饮茶食饭之外，面包蛋糕同月饼都几唔错~~
记得细个果时最中意去陶陶居大堂果度睇果个超大嘅月饼~~
陶陶居都系盛载左好多西关人家回忆嘅美食之地~~~
張貼