影片
更多
2012-04-04
33 瀏覽
糖糖甜品系惠福路开咗好耐噶啦， 一直都想去试试！ 适逢今次拉手开团， 然后上点评做咗下功课，所以就马上团咗一份甜品套餐！！ 打电话去预约先发现原来甜品套餐唔需要预约嘅， 有饭同意粉果个先需要预约， 并且只能晚上去食先可以食！ 好心网站就写好呢d嘢啦， 唔使打电话预约就注明下嘛！要知道预约系一件几麻烦嘅事！！！ 从店面望入去， 一眼睇晒有几大啦~~~大概就那么10张台， 坐到十几二十个人， 台与台之间间隔好细， 坐得唔多舒服！服务亦都唔系几好， 基本上d女服务员都系口黑面黑嘅~~出品逐一点评下：巷芒黑糯米卷——透明嘅水晶皮， 晶莹剔透， 包住大大粒嘅芒果同黑米！ 里面仲有d“兰香子（学名实在有太多啦， 有d人又叫罗列子，又叫黑珍珠....真正叫法阵系唔系好清楚）”系度， 上面再洒d之嘛同椰汁！~ 卖相唔算好靓， 至于味道其实都系普通咯， 唔会觉得非常好味咁咯！ 而且d透明肠粉皮太软了， 根本唔可以完整将一块糯米卷叉起身食， 食得有d狼狈！而且块透明肠粉皮系无味嘅，所以成个肠粉感觉无咩味道咁~~杂果冰燕——呢个甜品非常多人点啊，无论系食团购，还是非团购嘅都会点！即系话基本上每张台都
打电话去预约先发现原来甜品套餐唔需要预约嘅， 有饭同意粉果个先需要预约， 并且只能晚上去食先可以食！ 好心网站就写好呢d嘢啦， 唔使打电话预约就注明下嘛！要知道预约系一件几麻烦嘅事！！！
从店面望入去， 一眼睇晒有几大啦~~~大概就那么10张台， 坐到十几二十个人， 台与台之间间隔好细， 坐得唔多舒服！服务亦都唔系几好， 基本上d女服务员都系口黑面黑嘅~~
出品逐一点评下：巷芒黑糯米卷——透明嘅水晶皮， 晶莹剔透， 包住大大粒嘅芒果同黑米！ 里面仲有d“兰香子（学名实在有太多啦， 有d人又叫罗列子，又叫黑珍珠....真正叫法阵系唔系好清楚）”系度， 上面再洒d之嘛同椰汁！~ 卖相唔算好靓， 至于味道其实都系普通咯， 唔会觉得非常好味咁咯！ 而且d透明肠粉皮太软了， 根本唔可以完整将一块糯米卷叉起身食， 食得有d狼狈！而且块透明肠粉皮系无味嘅，所以成个肠粉感觉无咩味道咁~~
杂果冰燕——呢个甜品非常多人点啊，无论系食团购，还是非团购嘅都会点！即系话基本上每张台都会见到佢嘅身影！！！ 网站嘅图片比实物稍微要吸引d！ 不过卖相都算过得去噶啦！而且呢个分量好多啊！ 水果里三层外三层，堆到好满！ 从上到下有“冰燕”（果胶做嘅假燕窝）， 超级大个嘅番茄仔，奇异果， 西瓜，火龙果， 哈密瓜.... 味道都可以啦， 不过由于本人唔多中意食番茄仔， 尤其系呢d变种嘅大番茄仔， 所以一粒都无食到！ 奇异果就比较酸， 未熟透！ 哈密瓜同西瓜都无咩味， 火龙果就几好食， 好在因为加左d芒果肉打成嘅芒果汁落去， 令个甜品生色不少！！
法式奶冻——呢个系我觉得愿意可以正价再嚟食嘅一款甜品！！ 首先卖相几吸引下， 如果将番茄换成士多啤梨或者其他水果就更加好了~~ 第二就系， 当初以为呢个奶冻会好似出面面包店卖果种size好细嘅， 但上到嚟发现，呢个分量真系非常大！！！！ 第三就系味道方面， 系我嘅菜咯！！上半部分系浓浓嘅芒果汁， 下半部分系香滑细腻嘅牛奶布丁！ 2种材料嘅味道配合得非常好！而且其实里面嘅水果都几多， 有龙眼肉， 一大片奇异果， 2粒番茄仔， 仲我非常中意食嘅|“亚答子”！！！ （亚答子个样就系一粒好似水滴形容， 白白地色， 半透明状嘅东西）
最后来个合照， 呢个餐好抵食， 分量好足！ 其实都够3-4人食噶啦！
張貼
