红辣椒川菜火锅楼

營業中

休息中

好快就book到位喇，而且我仲早到咗半个钟，没办法，太饿了。去到见面门面好细咁写住红辣椒，然后就系一条常常嘅楼梯，上到去都几大噶，我6点去到，仲未算多人，行到入去感觉仲大，我地2人就座窗边位，系我问题吗？总感觉无开空调，就系开咗上面嘅风扇，感觉有D热。首先讲个干锅田鸡，上嚟嘅时候仲有个炉开住火的，哇，辣啊！除咗放红椒青椒之外，仲有指天椒！不过口味唔错，就系辣咗D。然后口水鸡系我最爱，酸酸辣辣的，而且仲系冻的，鸡肉好滑，唔会“鞋”。最后上个主菜喇，就系水煮鱼，叫做微辣噶喇，不过可能红油关系，感觉辣遮。第一啖食落去，感觉比天成的好食。味道够，配菜都多，不过后来发现配菜真系好多，芽菜都无食晒，不过猪红同青瓜就消灭晒。感觉条鱼比较少咯，定系我朋友偷我唔觉意食晒？！然后嗰个攸县香干，第一碟上菜就系佢，但系我地最后都放弃咗佢，食咗几件遮，可能唔岩我地口味。手撕包菜感觉好似无俾盐咁，不过食咗咁多辣嘢，有碟菜会清淡D。呢个套餐系4人套餐，最后我地2人去，所以饱晒。叫咗支果粒橙，10蚊。