洞味圆 (已結業)

好耐之前去食噶啦，团购噶午餐自助，八十几蚊，不过就稍微远咗D，要坐地铁去到市桥，但系性价比就真系超高啦！首先系三文鱼超正，同其他同等价位下噶自助餐相比就显现啦。三文鱼完全任食，都唔使排队啊，想攞几多都得！！！就算系三文鱼柳都好新鲜仲好肥美添，我自己闲闲地都差唔多食咗一斤啦......都算食返个本啦！其他噶菜式，牛排算几好噶，就系稍微煎得老咗D。仲有就系，雪糕甜品方面稍微欠缺咯。