影片
更多
2014-04-17
34 瀏覽
之前早已听闻该店系新兴家喻嘅分店，装修风格有别之前，比较新潮。昌岗路个间就去过几次，对依间已有些少长草，刚好有百元现金券就趁此机会去拔吧~~新兴食羊就出晒名了，价位亦较高。这百元券都颇多限制，唔可以抵扣特价菜，套餐，茶市点心，酒水饮料，纸巾，茶芥，仲唔可以叠加使用（有团购），所以基本上系够单人消费且要贴现嘅~~一支公去食冇瘾呢，当然叫埋芳芳一齐食啦！提早一日预约中午去食，去到乐峰商场3楼，扶手梯正对就系金羊座了。门面好阔大有气势，中间那个bringbring嘅水晶幕帘相当吸睛，尤其系那只水晶羊呐~~虽然系非假日嘅中午，但一样有人喺道等位，我地定好嘅位置竟然俾咗其他人，唯有等多阵顺便影下相吧。大厅嘅就餐位摆得相当密，一侧有卡座，另一侧划分咗个小偏厅。天花满眼都系水晶灯，但餐台桌椅等颜色稍为杂乱，不显档次兼时尚不足，更似大型茶餐厅（我挑剔了……）好快就有细台了，发觉竟然系胶杯胶碗碟，又一硬伤（对唔起个价位哇）！睇下菜牌，好多羊菜式，价钱嘛当然唔便~~我“睇餸食饭”吧，点咗几样价格唔算贵，之前喺旧店又冇食过嘅菜。麻酱生菜 16几精致嘅凉拌菜，菜牌系油麦菜，冇就改生菜，卖相几靓，分量细细，菜当
新兴食羊就出晒名了，价位亦较高。这百元券都颇多限制，唔可以抵扣特价菜，套餐，茶市点心，酒水饮料，纸巾，茶芥，仲唔可以叠加使用（有团购），所以基本上系够单人消费且要贴现嘅~~一支公去食冇瘾呢，当然叫埋芳芳一齐食啦！
提早一日预约中午去食，去到乐峰商场3楼，扶手梯正对就系金羊座了。门面好阔大有气势，中间那个bringbring嘅水晶幕帘相当吸睛，尤其系那只水晶羊呐~~
虽然系非假日嘅中午，但一样有人喺道等位，我地定好嘅位置竟然俾咗其他人，唯有等多阵顺便影下相吧。大厅嘅就餐位摆得相当密，一侧有卡座，另一侧划分咗个小偏厅。天花满眼都系水晶灯，但餐台桌椅等颜色稍为杂乱，不显档次兼时尚不足，更似大型茶餐厅（我挑剔了……）
好快就有细台了，发觉竟然系胶杯胶碗碟，又一硬伤（对唔起个价位哇）！睇下菜牌，好多羊菜式，价钱嘛当然唔便~~我“睇餸食饭”吧，点咗几样价格唔算贵，之前喺旧店又冇食过嘅菜。
麻酱生菜 16几精致嘅凉拌菜，菜牌系油麦菜，冇就改生菜，卖相几靓，分量细细，菜当然就爽脆，麻酱味道调得唔错。
羊杂汤海带面 19一个牛腩面咁上下嘅分量吧，原以为会几骚，点知竟然系劲腥~~估计系羊杂冇事先汆烫去血水吧，好在食落就冇咁腥；汤底好重胡椒，几呛喉；海带面似粗粉丝多啲，麻麻地。
法式羊鞍 18/件西式做法，性价比相当高，两件起，我地一人一件刚好。摆碟几靓，食落肉质都几嫩，几入味，仲有啲水果沙律伴碟解腻，好过去西餐厅食呢~~
酥皮焗牛筋腩 48那个系人都点嘅酥皮焗羊奶我以前食过觉得比较腻，见依个餸都有酥皮，就试下吧，又几有惊喜啵~~个造型新潮得来有些少怪，分量细但里面都几多牛筋腩，焖得几淋。咖喱味道几香，辣度相当温和，奶味十足。
姜葱捞粗面 28依个面纯粹系为咗捞咖喱汁而补点嘅，分量都几多，面够筋道，稍干，配嘅姜葱汁同豉油好似少咗啲，不过我地都系捞咖喱汁嘅~~哈哈
最后埋单贴现59个大洋，茶位系6蚊/位，冇服务费（依道服务都算唔错）。出品味道同老店基本上一致，可能添加咗啲新潮菜式吧，造型讲究咗啲。价位当然都系咁贵，望下大厅8成都系饮茶嘅多。再食羊我都系拣返昌岗个间，坐得相对阔落啲。
張貼
