旧街场白咖啡 (已結業)

系花城汇电影，时间仲早，就系附近稳下有冇下午茶噶地方，点知发现左旧街场噶实体店。以前饮旧街场噶即冲咖啡就饮的多了，现磨噶仲系第一次。店铺环境唔错，入面排设噶台都好多，不过系下午茶时间都已经坐满晒人了，所以我地就坐左系走道外面噶台到。服务员都好有礼貌甘带路同解释菜牌，值得加分。仔细甘睇左下菜牌，价钱都好适中，下午茶比较抵，单点一个小食热饮加5蚊就可以有一杯咖啡了，如果要冻饮噶话就要加8蚊。价钱都比较适中。旧街场西多士，可能系油炸食品，所以油比较多，西多士入面夹左d花生酱，有甜味所以会比较容易饱。芝士菠萝包，芝士味唔系好重，面包皮好软，味道比较淡，本人觉得麻麻地。旧街场白咖啡，服务员岩上噶时候有一层泡沫系上面，感觉好似即冲个d甘，我立刻捉住个服务员问哩个系米即冲架，服务员好坚决甘讲系现磨噶。后来我饮左啖，味道的确唔似即冲噶，咖啡味唔算好浓，适合大众口味，而且咖啡好香，值得加分。