摩斯汉堡 (已結業)

由于晚上要睇电影，离开场的时间比较紧迫，但又肚饿，路过见倒摩斯汉堡就打算买个包试下。刚好楼下有人派宣传单张，凭宣传单张可以减免3蚊。佢总共有3层，但1楼有台凳但系无人的，睇见佢系柜台写咗张纸需要点餐的上2楼，2楼就比较宽阔，而且厨房都系2楼，见倒D人忙碌的身影系度整紧包。点咗个烤肉米汉堡，比钱后比咗个餐牌我，需要等待。等咗大概8分钟左右就送到。感觉佢的米汉堡几特别，唔系普通的面包整噶，而且用米饭整成外皮，中间包住肉，肉质就有少少似肥牛咁的感觉，汁的味道都唔错，吃上去几好味。可惜就比较细，如果大吃的人肯定要吃2个以上先够包。至于价钱就稍微贵咗DD。另外值得一提就系佢的环境，由于要去WC，所以上咗3楼，3楼有一个小平台系外面。就好似一间房仔咁，而且仲有免费的WIF，可以买个包同饮料坐上一段时间。女的WC入面有一个婴儿台，可以方便妈咪帮BB换尿片，感觉几人性化。