影片
更多
2013-07-06
12 瀏覽
跟人去食，听个名仲以为系d料理馆，食石头饭，但去到发现原来系湘菜馆，挑战我既胃同喉咙，呵呵。环境都几唔错，都算几大。装修上似乎结合左少许既西餐厅感觉，系几块大黑板上用各色粉笔写上自家既特色菜，感觉几特别。讲返食先。因为去既大部分人都钟意食辣，就只能要我地挑战极限啦，但经改良后既湘菜，真系令我地又爱又恨。爱其口味刺激，恨其热气自己唔受得。最钟意“莲子蒸肉”，用薄薄一层肥猪肉卷着一粒莲子，然后拼成莲蓬状，单纯做工都好精致，莲子将肥猪肉多余既肥油吸收而变得更粉，肥猪肉变得滑而不腻，盘底铺上一层豆瓣酱，使猪肉同莲子都变得味道不在单调，所以就连怕吃肥猪肉既我都食完一件又一件，呵呵。另一个钟意既系剁椒鱼头，卖相真系好得，鱼头面上铺满新鲜既红辣椒同青葱，从视觉上去刺激你食欲。睇见满满一碟红辣椒真系好担心辣而唔敢食，但试一小块后却发觉其实并唔会好辣，而且d鱼肉好滑，忍唔住去食多几块。不过好似无数年前系同湘会食既美味。仲试左湖南小芋头煮羊肉，d羊肉都煲得几林，小芋头都好粉，不过怕辣，唔敢多食；唔知咩鸡汤，无咩鸡味，汤比较清，对于我地唯一既好处就系唔辣可以入口，哈哈；大白菜蒸粉丝，做工精致卖相好，都几入味
最钟意“莲子蒸肉”，用薄薄一层肥猪肉卷着一粒莲子，然后拼成莲蓬状，单纯做工都好精致，莲子将肥猪肉多余既肥油吸收而变得更粉，肥猪肉变得滑而不腻，盘底铺上一层豆瓣酱，使猪肉同莲子都变得味道不在单调，所以就连怕吃肥猪肉既我都食完一件又一件，呵呵。
另一个钟意既系剁椒鱼头，卖相真系好得，鱼头面上铺满新鲜既红辣椒同青葱，从视觉上去刺激你食欲。睇见满满一碟红辣椒真系好担心辣而唔敢食，但试一小块后却发觉其实并唔会好辣，而且d鱼肉好滑，忍唔住去食多几块。不过好似无数年前系同湘会食既美味。
仲试左湖南小芋头煮羊肉，d羊肉都煲得几林，小芋头都好粉，不过怕辣，唔敢多食；唔知咩鸡汤，无咩鸡味，汤比较清，对于我地唯一既好处就系唔辣可以入口，哈哈；大白菜蒸粉丝，做工精致卖相好，都几入味，不过量好少，而且d蒜蓉太多，有d苦；其他唔系太记得了。
价位唔系太清楚，因为人地埋单，(*^__^*) 嘻嘻……总体感觉一般般，因为本人都系钟意粤菜多d，偶尔尝试一下都可以试试。
張貼