山草堂

營業中

休息中

由细饮到大既一间凉茶铺..几乎日日又经过..原本打算上黎添加铺头..点知原来早已经有人点评左..睇黎山草堂都有翻一定既Fans..老板娘好好人..通常有咩头痛身庆..比条俐距睇下距就知道应该执咩茶比你饮..如果平时无咩事..都中意去距度饮杯五花茶或者龟灵胶..清下热毒湿毒甘咯..由于老板娘好倾又易话围..所以系革新路里面都积聚左几多熟客架..而且附近有几间食饭既地方..甘革新路里面以前又系交通集团既车场..所以都几多的士司机叔叔食完饭系度帮衬架..值得一提既依旧系距地D五花茶同龟灵胶..距地真系用水瓜壳煲水出黎架..因为系店铺就随处可以见到D凉茶药材了..五花茶甘甘地..易入口..龟灵胶粘粘稠稠..感觉好得意..有D似未凝结既烧仙草..但同龟灵膏系唔同既..我问过老板娘好多次了..至于其他苦味凉茶我就试过一次加左料既感冒茶..之后都因为怕苦无再饮过了..但真系几有效..所以话..中药有时都几好既..起码无咩副作用先..凉茶系广州既传统..好希望距地可以一直做落去..