绿茵阁西餐厅 (已結業)

好耐无来过绿茵阁，呢日同BF系UA睇完戏，想搵野食，见到花城汇的食肆都人满为患，只好转场去体育东。来到潮楼，见到呢间绿茵阁无乜人，所以入去食。呢间店系负一层，顺着蜿蜒的楼梯行落去，好似入左个地窖，昏黄的灯光，枣红色的墙壁，感觉几诡异。我点左个肉酱意粉，BF点左个猪扒焗饭。肉酱意粉几大碟，入面好多肉酱和芝士，酸酸甜甜，几开胃。猪扒焗饭比较清淡，猪扒并不是煎的，而是简单腌过就和饭一起焗，食落无乜味。食完主食，我再叫左一份栗子蛋糕。可能刚食完肉酱意粉，比较重味，食呢块栗子蛋糕我完全食唔出栗子味，BF就觉得栗子味几浓，难道我真系咁重口味？