稻香酒家 (已結業)

是日特价点心系冬菇鸡饭，宜家已经好少酒楼系茶市做盅饭了，所以一定要试下。冬菇好爽口，的鸡腌得够入味，而且好滑，不过下面的饭就偏油左少少。 煎糕拼盘，一碟里面有三款煎糕，分别系萝卜糕，马蹄糕，芋头糕，最钟意系马蹄糕，糕身够烟韧，里面仲添加左的马蹄粒，好爽口。 萝卜酥拼咸水角，萝卜酥不嬲都系呢度既主打点心之一，外皮够酥，里面的萝卜丝咸甜适中，丝丝入口，好味。咸水角，外皮炸得唔够脆，里面就几烟韧。 粗粮糕，放左大量燕麦既蒸糕，松软得黎又吃到麦皮，适合素食减肥人士。 蜜汁叉烧包，包系传统既开口包，连包皮都系甜甜地既，反而里面的叉烧馅偏咸少少，调和番的味道。 裹蒸粽，冬叶包住煲得好淋既糯米同绿豆，再加上咸蛋黄，五花肉，一只已经好顶肚。 仲点左流沙包同鱼片粥，不过不失。