石磨老爹

營業中

休息中

以石磨的米浆做主打，出品有拉肠、各种糊类的甜品同粥类，共通点就系米~一间健康而又家常的食店，系家阵添加剂层出不穷的时势，石磨老爹好值得推介。拉肠系百分百米浆做，冇加澄面或生粉、糯米粉之类的，做出来粉皮系稍厚了些，但食落有韧度而冇银记咁粘口，豉油稍逊色，有待改良。依道的甜品好多选择，主推各种糊类，有芝麻、花生、杏仁等，都系混合米浆一起磨三次而成，所以入口比较绵滑，我喜欢杏仁同花生糊多滴。传统的鱼蓉粥、香芋石螺粥已经好少地方有得食，依道整得都唔错。艇仔粥好多料，下次要试下个牛乳白粥（我至爱！）除咗米类制品仲有就系豆类同奶类的甜品了，都系传统的健康食材。豆浆浓度几高，面上可以结出腐皮来（难得吖）有甜味同原味两种选择。豆腐花好嫩滑，好中意个木桶芒果豆腐花，卖相靓又好食。双皮奶和姜撞奶都整得好嫩滑，姜撞奶的姜味唔算浓，怕辣又想食的人啱晒。仲有各种炒奶糊，下次去试下。口味喜好各人有不同，但系个个都希望食的健康安全，依道对食材的坚持系我最欣赏的地方。