银记肠粉店

營業中

休息中

银记，真系留比我唔少童年回忆。细个果阵，我婆婆住向西关果度。由于我父母要上班，所以我向读书前都向我婆婆屋企住，而婆婆经常带我地几老表去文化公园游完水之后，就会带我地去银记吃拉肠。到依家我都30岁人咯，银记都开左好多分店，咁多年以黎，距既拉肠都系做得咁出色，一直都无其他店铺可以超越距。特别系向江南西果间店，有一个套餐，一碟牛肉肠，一碟虾肠加多碗鸡粥先系10几蚊，就已经可以吃到晒银记最掂既出品，距既虾肠里面D虾绝对真材实料，只只都好大只，而且都唔少。而牛肉肠既牛肉好惹味，D拉肠滑得黎又够爽口。个鸡粥就更加掂啦，鸡肉滑而粥甜，简直无得弹。对于男仔黎讲，都已经够晒饱咯。不过，我都系希望银记保持水平之余，可以有D进步啊！希望距以后既出品会更加好吃。