影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
招牌菜
本篇介紹金光華入面嘅連鎖椰子雞火鍋店《四季椰林》入座時間大概下午3點，呢個時間唔需要排隊，餐廳內亦唔繁忙。今次叫咗個四人餐 ¥399菜式🈶🥥清香椰子湯底上枱會聞到陣陣椰香，湯底清甜得嚟又唔會太膩，飲落去好滋潤。🐓一只文昌雞雞皮爽口，雞肉紮實夠鮮味，亦都唔肥膩。配合埋沙姜，柑桔同醬油，鮮味更加突出。🦐竹笙釀蝦滑竹笙吸晒椰子湯底嘅精華，加埋蝦滑，咬落爽脆得來又彈牙，口感幾豐富。仲有牛丸，魚蛋，馬蹄，同蔬菜盤。呢幾樣就正常發揮。🍚臘味煲仔飯炒得夠香，飯粒分明，臘腸同臘肉唔算少，六個人食一煲剛剛好，職員仲會幫手起埋飯焦。追加菜式小食前菜🌶️涼拌青瓜，酸辣無骨鳳爪，香辣魚皮呢三個小食好夠辣🌶️🌶️🌶️環境方面地方寬敞，座位間都好闊落，一家大細都適合👍🏻
继续阅读