Wilber's

营业中

休息中

每层都分别有三款小点心。最下面的系朱古力，慕斯同水果沙律。朱古力好浓郁啊，而且份量细细件刚刚好，赞一个。慕斯同水果沙律都比较一般，水果沙律里面的鲜橙酸酸的，好正中间果层都系比较干身的，吞拿鱼三文治好多料，唔错。蛋沙律饼干就一般了，可能系因为我唔多中意食蛋沙律的原因吧。三文鱼饼干都唔错，虽然烟熏过，不过D鱼油刚好逼佐出黎，啖啖甘香。最高果层系虾春卷，生火腿肉同烟肉黑椒肠仔。虾春卷的酱汁好辣，不过好开胃，虽然热气，都系忍唔住食晒了。烟肉肠仔就有D过火了，燶佐，而且味道太浓，所以觉得一般喇。生火腿肉感觉真系好奇异，唔可以话抗拒，但真系唔算中意的感觉咯，好在中间夹佐块水果，食起身无甘油腻，亦清新不少。抵死的柠檬茶，听距讲，茶类饮品系可以免费续杯的，不过寻日下午赶住去睇相机，所以都无试过，唔知系咪真系得。话说抵死同学又准备去沙巴玩了，仲准备去买部三防相机影海底生物，呢种生活真写意啊，羡慕...系小敏的一片羡慕妒忌恨之中，谢谢大家观赏喇。