影片
更多
2012-03-28
实，呢次来琶洲最重要嘅目的同目标就系试下传说中嘅猫记啦，哈哈哈～～不过，因为一入来已经试左姜撞奶，所以猫记系今次行程嘅第二站～～行到去卖水果特产嘅地方之后，有一条路沿途有D蕉树，仲有榨花生油店同一D食肆，不过真系唔明啦，星期日居然可以咁冷清～～我同个F行下行下觉得唔多似系猫记所在地，所以往回走，点知行翻去卖特产果度，先见到个牌写住猫记，仲有一个向右嘅箭头，果个方向就系我地岩岩行出来嘅地方～～F话，要搵好嘢的确要坚持落去嘅，好似我地咁快放弃嘅结果只有重复行多一次，呵呵～～终于来到鼎鼎大名嘅猫记啦，哇，同出面嘅情况简直差天共地吖～～门口热辣辣嘅地方已经N多张台坐满晒人，跟住入去，几乎张张台都满座，真夸张～～岩好有两个位，我地坐左埋去。。。墙上有价目表（09年的价钱啦，依家升左）：艇仔粥：3元石螺粥：3元炒番薯叶：6元番薯饼：1.5元莲藕饼：1.5元南瓜饼：1.5元萝卜饼：1.5元炒毛蟹：10元……其他唔系太记得啦～～呢度样样都要do it yourself～～系度其实唔使叫人落单嘅，因为同距讲左等于无讲～～D人过一段时间就会用个大盘捧住各种食物出来，粥啦，炸云吞啦，炒番薯叶啦等等～只要你叫
不过，因为一入来已经试左姜撞奶，所以猫记系今次行程嘅第二站～～
行到去卖水果特产嘅地方之后，有一条路沿途有D蕉树，仲有榨花生油店同一D食肆，不过真系唔明啦，星期日居然可以咁冷清～～
我同个F行下行下觉得唔多似系猫记所在地，所以往回走，点知行翻去卖特产果度，先见到个牌写住猫记，仲有一个向右嘅箭头，果个方向就系我地岩岩行出来嘅地方～～
F话，要搵好嘢的确要坚持落去嘅，好似我地咁快放弃嘅结果只有重复行多一次，呵呵～～
终于来到鼎鼎大名嘅猫记啦，哇，同出面嘅情况简直差天共地吖～～
门口热辣辣嘅地方已经N多张台坐满晒人，跟住入去，几乎张张台都满座，真夸张～～
岩好有两个位，我地坐左埋去。。。
墙上有价目表（09年的价钱啦，依家升左）：
艇仔粥：3元
石螺粥：3元
炒番薯叶：6元
番薯饼：1.5元
莲藕饼：1.5元
南瓜饼：1.5元
萝卜饼：1.5元
炒毛蟹：10元
……
其他唔系太记得啦～～
呢度样样都要do it yourself～～
系度其实唔使叫人落单嘅，因为同距讲左等于无讲～～
D人过一段时间就会用个大盘捧住各种食物出来，粥啦，炸云吞啦，炒番薯叶啦等等～只要你叫距埋来，摞左之后就ok啦。。。
不过，如果想要煎饼就要去厨房果度啦，叫距煎或者问下煎好嘅有无人嘅，无嘅话直接摞走，哈哈哈～～
我个F超级细食，距话只要一碗艇仔粥share就ok啦，而我因为食左早餐先去，加上之前食左完姜撞奶，都唔饿，所以就要左一碗艇仔粥～～
好大一碗，里面D料好丰富吖，绝不欺场，哈哈哈～～大件夹抵食吖。。。3蚊依家真系搵唔到咯～～
本来我想试下莲藕饼嘅，但系入到去，见到果个阿姨系度唔知煎紧乜饼，又唔想等，而且见到D油好多好腻吖，所以后尾都系无要到～～
F要左一支汽水。。。
埋单啦，一共4蚊，人均2蚊，我地觉得好搞笑吖，从来未试过咁便架，呵呵～～
希望下次有机会再来试下其他嘢啦～～
张贴