影片
更多
2012-09-04
32 浏览
稻香雖然唔喺咩高檔食肆，但晌香港都叫頗有名氣，有唔少菜系分枝，仲上埋市添，走比較大眾化路線，應該都唔少人幫襯過。何解小弟會首來？因為廣州稻香真喺第一次幫襯，事緣廣州有親友擺喜酒，下午嚟到，都要搵食，所以就晌酒店下面間稻香搞掂，其實今晚飲嗰餐都喺晌依度，哈哈。國內地方確喺大，所以環境方面比香港店舒適啲，大堂跟香港所見無異，裝修得都富麗堂皇，唯一就喺枱凳無香港拍得咁逼，而且服務方面都唔錯。唔知喺唔喺因為依間稻香晌酒店裡面，抑或本身喺咁，晌度飲茶都唔喺平，比個價錢大家參考，星期六日公眾假期，小點 RMB10.5，中點RMB 13.5，大點RMB 16.5，特點RMB 19.5，頂點RMB 22.5，超點RMB 25.5，皇點RMB 28.5，另外茶芥RMB 7位，價錢牌無寫要加一，又真喺無加一，貫徹晌香港嘅做法喎。因為老婆難得人生第一次出差遠走花旗國，所以我就做咗代表，同埋姨仔、舅仔三個人上嚟，一共點咗7款點心，就等小弟逐樣評幾句啦：稻香蝦餃皇（頂）：包得大粒渾圓，確喺真材實料，大大啖蝦肉，外皮都OK，柔滑唔黐牙。奶皇馬拉卷（中）：依個就麻麻哋，無乜奶皇香，無馬拉卷種鬆軟感，好似食緊嘉頓嘅乜
國內地方確喺大，所以環境方面比香港店舒適啲，大堂跟香港所見無異，裝修得都富麗堂皇，唯一就喺枱凳無香港拍得咁逼，而且服務方面都唔錯。
唔知喺唔喺因為依間稻香晌酒店裡面，抑或本身喺咁，晌度飲茶都唔喺平，比個價錢大家參考，星期六日公眾假期，小點 RMB10.5，中點RMB 13.5，大點RMB 16.5，特點RMB 19.5，頂點RMB 22.5，超點RMB 25.5，皇點RMB 28.5，另外茶芥RMB 7位，價錢牌無寫要加一，又真喺無加一，貫徹晌香港嘅做法喎。因為老婆難得人生第一次出差遠走花旗國，所以我就做咗代表，同埋姨仔、舅仔三個人上嚟，一共點咗7款點心，就等小弟逐樣評幾句啦：
稻香蝦餃皇（頂）：包得大粒渾圓，確喺真材實料，大大啖蝦肉，外皮都OK，柔滑唔黐牙。
奶皇馬拉卷（中）：依個就麻麻哋，無乜奶皇香，無馬拉卷種鬆軟感，好似食緊嘉頓嘅乜乜卷。
潮式糯米卷（小）：都喺麻麻哋，因為卷皮較為黐牙，內裡糯米稍稍實。
潮州蒸粉果（中）：外皮軟糯唔黏口，餡料豐富喎。
家鄉鹹水角（大）：新鮮炸，入口熱辣辣，最緊要喺炸得幾香又唔油，外皮又幾薄，唔會一糰粉。
腐皮包不住（中）：其實喺千層腐皮，將腐皮玩層層疊，重點在於個高湯，清得嚟好濃香。
蜜汁叉燒腸（特）：腸粉皮拉得薄，又唔削，有水準，叉燒亦做得幾鬆化。
仲有啲所謂皇點、超點，究竟喺乜？前者例如有皇者灌湯餃、雞蛋豬腳薑…，而後者有金沙紅米腸…。三個人食咗RMB130，折番港紙要成HK$160，話平唔平，話貴唔貴咁囉！想坐得舒服，輕輕鬆鬆嘆茶食點心，依間稻香都喺唔錯嘅選擇！
张贴
