影片
更多
2012-12-27
25 浏览
自细就听闻南园个大名了，相距不远但唔知点解总系冇机会去，即使有次已经去到门口都要另觅去处，实在奇也怪哉！今次终于得偿所愿同友人来饮返次茶了。果不其然这里确实系一派岭南园林特色的建筑布置，青砖碧瓦、亭台楼阁……景致秀丽。而内部装饰更系富丽堂皇，甚至可用金碧辉煌来形容，不过个人感觉上有啲同岭南古韵唔系太搭。大厅座位摆放唔会太密，空间阔落，感觉几舒服，当然还是会有茶楼特有嘅热闹嘈杂的。饮茶嘅品种唔算太多，价钱中等偏高。点咗香茜饺、蒸萝卜糕、芋角、糯米鸡、桂花椰汁糕，本来仲点咗几样点心，但已沽清。奇怪嘅系服务员落完单后竟然冇告知，害我地一直傻傻咁等着，后来才发现，无语！香茜饺个头唔细，皮同平时食到的唔同，有啲似粤式云吞面铺食嘅饺子皮，蒸得过淋，皮有啲烂，唔好食。料好多，但食落觉得味道麻麻，应该系啲油唔靓影响口感。蒸萝卜糕系今次饮茶最满意嘅，分量就一大饭碗咁多。面上有葱花、腊味碎，卖相一般，但味道唔错，粉同萝卜的比例适中，唔会粘口，有点惊喜。芋角卖相还好，但可能放置时间太耐，毫无酥脆感，且食到怪怪嘅油味，完全唔掂当。切成菱形的桂花椰汁糕卖相好靓，但椰汁味道同桂花味好似唔系咁搭，分开食倒是唔错的，
果不其然这里确实系一派岭南园林特色的建筑布置，青砖碧瓦、亭台楼阁……景致秀丽。而内部装饰更系富丽堂皇，甚至可用金碧辉煌来形容，不过个人感觉上有啲同岭南古韵唔系太搭。大厅座位摆放唔会太密，空间阔落，感觉几舒服，当然还是会有茶楼特有嘅热闹嘈杂的。
饮茶嘅品种唔算太多，价钱中等偏高。点咗香茜饺、蒸萝卜糕、芋角、糯米鸡、桂花椰汁糕，本来仲点咗几样点心，但已沽清。奇怪嘅系服务员落完单后竟然冇告知，害我地一直傻傻咁等着，后来才发现，无语！
香茜饺个头唔细，皮同平时食到的唔同，有啲似粤式云吞面铺食嘅饺子皮，蒸得过淋，皮有啲烂，唔好食。料好多，但食落觉得味道麻麻，应该系啲油唔靓影响口感。
蒸萝卜糕系今次饮茶最满意嘅，分量就一大饭碗咁多。面上有葱花、腊味碎，卖相一般，但味道唔错，粉同萝卜的比例适中，唔会粘口，有点惊喜。
芋角卖相还好，但可能放置时间太耐，毫无酥脆感，且食到怪怪嘅油味，完全唔掂当。
切成菱形的桂花椰汁糕卖相好靓，但椰汁味道同桂花味好似唔系咁搭，分开食倒是唔错的，味道几清爽。
香煎腐皮卷分量十足，腐皮煎得香脆，里面几多馅料，好食过蒸嘅。但用油方面都系影响咗出品，有啲可惜。
糯米鸡系最后唔知点乜食才勉强拣嘅，对佢冇乜期望，但食落味道都算系唔错，唔会好腻口。
最后埋单90有多，感觉还好。但始终最大问题都系用油方面，好怀疑店家用的系乜油，食落唔似系唔新鲜的食油，感觉味道怪怪的，几乎影响晒所有出品。食肆最紧要系出品，即使整得再靓再豪华，食物质素唔得，系难以长远发展下去的，希望以后有改进，唔好做坏依个难得嘅老字号老招牌！
张贴
