澳门街

营业中

休息中

五星级宾馆入边，环境系冇得弹，临窗能睇到东方宾馆中庭喷水池，唔少鬼佬响度用餐，专做葡国菜噶餐厅，中午有商务套餐，貌似平噶都在4，5十蚊左右，来呢度食，梗系少唔到食葡食甜点噶啦，2人点咗葡式芒果挞一打44蚊，咖喱虾48蚊，咸鱼豆腐煲48蚊，葡国炒饭38蚊。 咖喱虾：虾几大只，壳有D厚，虾肉几弹牙最主要咖喱味好正。咸鱼豆腐煲：豆腐系煎过噶，有咸鱼同鸡肉粒，呢味香鲜偏向粤菜多D。葡国炒饭炒得几干身，而且肉粒，虾粒同饭分开晒，嚼住几香。芒果葡国挞：新鲜热辣上来噶，先睇个款都几OK，中间都好多芒果肉，食落口皮酥脆，中间部分松软夹杂住芒果噶香味，又唔会太甜，认真唔错！ 食噶嘢味道都几满意，葡挞自己打包咗几个。餐厅大堂主要系商务套餐或点餐系唔收其他费用噶，但包间就会收埋服务费同最低消费。有会员套餐，但要办会员卡先得，而且会员套餐只能点一个。