越茗苑 (已結業)

去北京路广百买嘢，先响依度填D嘢落肚。环境仲可以，位置就逼D喇。报上号，点心好快上佐嚟：榨菜云耳牛肉肠：不过不失，D馅几爽口。蚝油菜心：菜心好嫩。越式糯米餐包：一般，我嫌皮太厚，皮薄D会好食D。虾饺皇拼潮州香芹粉果：虾蛟爽口，味道都唔错，可惜皮穿孔，漏了汁。粉果也不错，味道啱我。豉汁蒜香排骨拼好味酱蒸凤爪：想唔到排骨整得几好食，食到停唔到口。凤爪一般。泮塘马蹄糕：差，好削。赠送的糖水：系红豆沙，好杰，啱我。比网上的差评依一餐我觉得仲可以，起码食物上台都系热辣辣的，以北京路的租金加现时的物价，依个团购完全可以接受。