金矿KTV (已結業)

上午时段48蚊一位，3个钟加5蚊一位噶消耗品费用，人鬼死咁多，而且好多叔叔阿姨来唱噶，我地分噶果间中房个唛有问题，按点歌屏上噶服务按咗几次都冇人来，中房竟然只有2个有线唛，而且房间同出边比显得比较老旧，装饰同堂会，钱柜有相当距离。后尾来咗个靓仔服务员系咁话个唛系好噶，要我地唱个时用手顶住个开关就得啦。晕低啊。要！ 自助餐食噶只能话麻麻地，果D叔伯阿姨仲劲过我地后生，而且时时响餐厅度及住，我地下下去摞几乎都系距地抢后剩低噶嘢，煎扒类噶连鸡蛋都算，秋刀鱼，鸡扒都系一人一份，好细份噶。D龟苓膏，银耳糖水就大把，果汁饮料我饮咗一杯就无饮啦，无味噶，就得个色靓。总之系比较失望噶，仲要系河北过到河南来唱，要服务无咩服务，要食噶无咩食噶，下次唔制啦。