天成川菜馆

营业中

休息中

本人喺一个唔食鱼嘅人,但系睇咗OpenRice嘅食评,心血来潮好想去试下就系一哥酸菜鱼同天成之间二选其一,最终决定天成,因为比较近屋k!睇d人写食评就知道要等位等好耐喇,我同LG晚黑8点多啲去到啦,摞到206号筹等咗差唔多一个钟先到我哋!期间会有房,个咨客就问有冇人要坐,唔洗等,不过低消280蚊我哋得两个人,紧系唔去啦~所以喺寒风中坐住d烂凳一直耐心等待...呢间嘢喺2楼,楼梯好窄,上到去都好大,起码可以坐百几贰佰个人,不过环境就好麻麻...之前d人话酸菜鱼35蚊,点知去到墙上贴告示,话近期物价高涨,所以升到38蚊..晕,茶位3蚊一位同LG坐低点咗一个酸菜鱼,一个酸汤肥牛,酸菜鱼就要咗普通烷鱼,38蚊,鲈鱼就68蚊一斤,桂花鱼128蚊添,服务员话就喺冇咁多骨嘅分别...终于上菜了,原来两盘超大,好似盘菜咁,酸菜鱼味道好好,又唔腥，我哋要咗微辣,所以啱好,适合广州人口味酸汤肥牛,48蚊,肥牛得几块,底下配菜一大堆,LG一路食一路话d肥牛好似优酸乳咁嘅味,哈哈!由于中场实在越食越辣,LG比较唔食得辣,就叫咗一扎竹蔗水,8蚊,味道唔错,几抵饮!两个人食咗个几钟,埋单90蚊,满足而归,下次去食