影片
更多
2011-01-12
11 浏览
正啊正啊正啊~~~~我琴日去食完翻来啦。。一次偶然嘅机会俾我系呢度见到呢间新开嘅餐厅。。主打系烤肉。。即系类似拉丁餐厅咁啦。。我睇到呢度嘅评价都好唔错喔。。所以就一直都好想去食啦~！！！点知，拖左好耐先去得成！好郁闷！其实琴日都差啲去唔成噶。。不过最尾都去左。哈哈。而且食得好尽兴好开心。。不过由于下午仲有事，所以都系有啲啲赶喇。。唉。。都系中意慢慢食多啲。。讲下呢间店嘅地址先，呢间店系南方证券大厦2楼。。搭车就系体育中心落。跟住就会见到财富广场啦。沿着条路行就系啦。我琴日系系天河城行过去，所以觉得好远啊！！去到巴罗那。。好冷清啊。。周末都无咩人喔。不过其实唔单只巴罗那，呢栋大厦啲食肆都好冷清。好少人过来呢头食。我觉得呢度新开，所以出品同服务都会好啲。。呢个就系我想尽早来巴罗那试嘅原因啦。有胡椒蓓蓓嘅优惠券，一人50蚊。食完先俾钱。唔会好似拉斯维加斯咁，俾左钱先可以入。由于无咩人，所以座位任拣，服务员唔会因为话无客而净系开一部分枱。我地拣左卡座，几舒服。哈哈。一坐低，服务员就俾左个圆碌碌嘅牌我地，一边写住继续，一边写住食饱啦。哈哈。好得意。谂得几周到喔。唔使惊去攞野食果时会比服务员当系食
一次偶然嘅机会俾我系呢度见到呢间新开嘅餐厅。。
主打系烤肉。。即系类似拉丁餐厅咁啦。。
我睇到呢度嘅评价都好唔错喔。。
所以就一直都好想去食啦~！！！
点知，拖左好耐先去得成！好郁闷！
其实琴日都差啲去唔成噶。。不过最尾都去左。哈哈。
而且食得好尽兴好开心。。
不过由于下午仲有事，所以都系有啲啲赶喇。。
唉。。都系中意慢慢食多啲。。
讲下呢间店嘅地址先，呢间店系南方证券大厦2楼。。
搭车就系体育中心落。跟住就会见到财富广场啦。沿着条路行就系啦。
我琴日系系天河城行过去，所以觉得好远啊！！
去到巴罗那。。好冷清啊。。周末都无咩人喔。不过其实唔单只巴罗那，呢栋大厦啲食肆都好冷清。好少人过来呢头食。
我觉得呢度新开，所以出品同服务都会好啲。。呢个就系我想尽早来巴罗那试嘅原因啦。
有胡椒蓓蓓嘅优惠券，一人50蚊。食完先俾钱。唔会好似拉斯维加斯咁，俾左钱先可以入。
由于无咩人，所以座位任拣，服务员唔会因为话无客而净系开一部分枱。
我地拣左卡座，几舒服。哈哈。一坐低，服务员就俾左个圆碌碌嘅牌我地，一边写住继续，一边写住食饱啦。哈哈。好得意。谂得几周到喔。唔使惊去攞野食果时会比服务员当系食完，跟住执枱。赞一个吖。
讲食物喇。呢度主打系烤肉。但系除左烤肉，呢度仲有好多其他野食喔！！而且味道都几唔错噶！比拉丁餐厅嘅好好多啊。
烤肉方面有牛嘅唔同部位嘅肉，有猪颈肉，羊肉，鸭胸肉，墨鱼丸，牛肉丸，两种肠仔。鸡翼，鸡腿。。。牛舌。肥牛。。鱿鱼须。仲有。。唔记得啦。哈哈。。
牛肉好好味啊。。都好香。。肥牛反而比较韧少少。。
羊肉我都好中意，好有羊肉味，哈哈。不过F就唔中意啦，所以啲羊肉我食晒，咔咔，我食左3旧吖。。
牛肉丸味道都可以，墨鱼丸就好一般啦。唔中意食。。肠仔有一种短短地嘅，浅色啲嘅就好好味啦。。不过后尾太饱，净系食左啲啲。。
鸡翼鸡腿都可以啦。。鱿鱼须就好咸啦。囧。。
啊，系啦。有培根金针菇卷啊，呢只超正啊！！！！啲金针菇好爽口呀。。又系太饱，所以净系食左一旧。。
仲有烤辣椒，青椒，冬菇，香蕉，玉米，茄子。。
品种都几多吧。。味道都好唔错啊。。而且仲出得好频繁。。适合食肉兽啊，哈哈
前面讲左，呢度除左烤肉，仲有其他好多野食，真系好多野啊。。
我无食匀呢。。
有寿司啦。。F攞左太多寿司。。搞到好饱。囧。 寿司有三文鱼，希鲮鱼，海草，螺肉，八爪鱼，吞拿鱼沙律。。品种都算多吧。。而且唔难食喔。因为系其他自助餐嘅地方，通常啲寿司都会好难食，我觉得距呢度啲寿司都可以吖。。 啲wasabi同酱油都系独立包装嘅，好卫生啊。。
热食方面有猪颈肉啦，乌冬面啦，鲍杏菇啦，青菜啦，虾，濑尿虾，炸薯球，炸三文鱼骨腩，薯格，巴西黑豆饭。。。好多好多啊。数唔晒。。
仲有凉菜，不过我无食，挂住周围影相。。囧。
仲有几款沙律噶。。果碟黄色嘅沙律最好味啦。上边有啲蟹子嘅。好味啊。。
仲有苹果核桃芹菜沙律，苹果好甜，核桃就有啲唔好食。仲有一个蘑菇沙律，果个应该系酸甜嘅。。我无试到。噢，薯泥都好好味啊。。
甜品都好多选择。。又靓又好味。。食左两件绿茶蛋糕，好浓郁嘅绿茶味，正。
仲有黄桃布丁。。
朱古力喷泉就比较一般。。
仲有水果啊。。苹果，木瓜，橙。圣女果。。
饮料方面好似无见到大家讲嘅芒果汁同罗汉果茶。。净系有桶装水。。同埋依家搞紧活动，有送一罐饮料：雪碧/可乐/啤酒。。
呢度仲有外国人系度唱歌。。好好听啊。哈哈。又好热情喔。。
好正啊呢度。。。比起拉丁餐厅。。性价比真系好好多咯。。中午都系58蚊，但系拉丁餐厅果边就好少野食咯。。就系坐住等食烤肉嗟。。
仲想去吖仲想去吖。。唔知仲有无机会去呢。呵呵。。
我唔知呢间餐厅系几时开嘅。。不过应该都仲几新。。加上地理位置同宣传嘅问题，呢度都仲好少人来。。
不过我谂只要系整得好食嘅，服务又好嘅，自然会客似云来吧。。呵呵。。
希望贵店嘅出品同服务可以一直咁好落去。。
唔好一出名，客一多，就失晒水准。。。
不过好似好多店都会咁嘅吧。哈哈哈哈。。
希望唔好咁快变差啦。。我仲想去帮衬噶。。
张贴
