稻香幸福礼堂 (华厦大酒店)

营业中

休息中

稻香家阵系广州都有好几家分店了，但依旧中意黎侨光路店，总觉得距地嘅出品比较好，而且环境比较舒服，不过每次黎树饮茶都几烦，因为呢树同银灯一样都超多人排队，咁既然要黎唯有就晨七咁早饮正宗早茶了，仲有1蚊特价点心添~指定时间埋单仲有折头打。稻香饮茶感觉比出面嘅茶楼安静D，无咁吵杂，饮得舒服好多，虽然少贵咗D，但食物质素同服务卫生各方面有翻咁上下~凤爪拼排骨：呢个点心仅需1蚊？当日特价点心，每人一笼，超值！排骨嫩滑多肉，带有些许黑椒味道够晒惹味，碟底粉嫩嘅芋头条吸收晒D肉汁，正到dum一声，凤爪只有半只，味道都唔差！牛肉丸：好耐无吃蒸嘅，味道依然怀旧，爽滑嘅牛肉丸配搭喼汁，肉丸底仲黐住薄薄嘅腐皮，一大啖嘅咬落去仲有些许肉汁，只可惜家阵缺少陈皮马蹄嘅味道，咪先更加香浓怀旧呢！奶黄包：呢树嘅奶黄相当绵滑细腻，欲流欲止嘅感觉，甜度刚好，面包皮松软质地相当靓。红枣糕：略略嘅红枣味，晶莹嘅外表，烟韧嘅质地，蛮健康嘅一道糕点。皮蛋瘦肉粥：粥底绵滑，配以皮蛋同咸香瘦肉增加鲜味，清除腻滞嘅不二之选呢…一盅两件嘅饮茶文化确实系识叹嘅表现，食自己喜爱嘅美食，尝自己喜爱嘅味道，一啖茶一啖点心，悠闲自乐。