影片
更多
2014-01-03
40 浏览
新浩文我系第一次去食，住系果附近嘅人都经常会嚟呢度食饭，因为听闻好抵食~环境唔系太好，有三层嘅一共，都系大排档咁上下性质，但系好多人帮衬，我哋5点几去到就已经1、2楼都冇位，于是直径奔上三楼，三楼空调唔够劲，环境都系麻麻，但系好似冇楼下咁大油烟不过实在系太嘈吵！隔离台个阿叔赤膊喺度食饭，饮酒食烟讲粗口！真系顶佢唔顺！望咗下个菜牌，价钱都唔算真系话好平，30几蚊一个餸大多都系，不过菜式都几多可以选择我哋叫咗半边水晶鸡35蚊，和味猪手要咗两只，15蚊一只，秘制纸包骨30蚊一例，椒盐九肚鱼都系30蚊仲叫咗一个上汤枸杞，好似系20蚊到吧~我都唔记得了~！上菜速度都几快，水晶鸡都算新鲜，不过有啲带血，我唔敢食咯~同埋个鸡头唔知点解好黑秘制纸包骨，卖相几特别下，就真系纸里面包住啲骨，但系纸好薄下，索紧排骨啲油，撕开纸之后里面骨分量都唔少，有啲葱同洋葱拌碟，味道唔错，几够味~猪手分量都好多，我家婆话出面15蚊一只猪手都买唔到，所以呢度好抵食咁话！椒盐九肚鱼，冇咩椒盐嘅味道，但系炸得好松下，不过唔够脆同唔够干身，但系松化到连骨都可以食埋上汤枸杞，味道就那样，冇咩亮点，埋单好似系170几蚊吧！加埋我哋叫
环境唔系太好，有三层嘅一共，都系大排档咁上下性质，但系好多人帮衬，我哋5点几去到就已经1、2楼都冇位，于是直径奔上三楼，三楼空调唔够劲，环境都系麻麻，但系好似冇楼下咁大油烟
不过实在系太嘈吵！隔离台个阿叔赤膊喺度食饭，饮酒食烟讲粗口！真系顶佢唔顺！
望咗下个菜牌，价钱都唔算真系话好平，30几蚊一个餸大多都系，不过菜式都几多可以选择
我哋叫咗半边水晶鸡35蚊，和味猪手要咗两只，15蚊一只，秘制纸包骨30蚊一例，椒盐九肚鱼都系30蚊
仲叫咗一个上汤枸杞，好似系20蚊到吧~我都唔记得了~！
上菜速度都几快，水晶鸡都算新鲜，不过有啲带血，我唔敢食咯~同埋个鸡头唔知点解好黑
秘制纸包骨，卖相几特别下，就真系纸里面包住啲骨，但系纸好薄下，索紧排骨啲油，撕开纸之后里面骨分量都唔少，有啲葱同洋葱拌碟，味道唔错，几够味~
猪手分量都好多，我家婆话出面15蚊一只猪手都买唔到，所以呢度好抵食咁话！
椒盐九肚鱼，冇咩椒盐嘅味道，但系炸得好松下，不过唔够脆同唔够干身，但系松化到连骨都可以食埋
上汤枸杞，味道就那样，冇咩亮点，埋单好似系170几蚊吧！加埋我哋叫嘅饭，人均都要40几，一般般吧~
张贴
