拉丁餐厅 (正佳广场)

营业中

休息中

Item: 拉丁餐厅 (正佳广场)
Rating: 3
Author: 郭小敏

144 食记

味道

环境

服务

卫生

抵食

天河城

¥41-100

中南美菜烧烤自助餐

郭小敏

等级4

2.1K

252

话说Dear虫仔自从上次同距个F阿Jason兄去完建设六果间拉丁餐厅之后,,

一直对呢间店念念不忘..

我谂原因只有一个,,就系呢间店太适合食肉兽了..哈哈..

而我就一直都无去过,,所以自从距上次去完之后就一直都话要同我去多次,,

我谂原因亦只有一个,,就系距迫切需要我对距食肉兽呢个称号既认同..

哈哈哈..

我地今次选择左去正佳店,,

原因亦只有一个,,就系食完饭之后可以方便我去罗免费赠品..哇哈哈哈..

由于当日我迟到,,

所以门店大门..店内环境..唱歌既黑人歌手,,手持烤肉满场飞既牛仔哥哥,,我统统都无影到..

可惜了,,

不过就争取左更加多既时间去食野,,都叫有利有弊了..

现场所见,,烤羊肉,,猪里脊,,鸭胸,,牛肉粒,,甚至烤肠仔,,玉米,,茄子等等种类多多,,

不过现场手持烤肉法器既牛仔哥哥全部都比较酷,,

手持利刃,,面容不惊,,一面无所谓的样子..

由于小敏功力未够,,未足以练就看图识肉既功夫,,

于是谦虚地询问牛仔哥哥"呢个系咩肉吖?"

但唔知系因为我过于谦虚定抑或距地过于冷酷,,

距地每个人每次都系切完肉比我之后就头也不回地走了..

距地彷佛认为我只需要食完面前既肉就可以了,,无需多话,,亦无需多了解..

因此到左最后,,我最有印象,,亦系距地唯一一次有答我既,,就系上图呢个..

大家又尽管估下距个名叫咩..包大家雷到一片..

由于篇幅所限,,所以我地马上开估,,

就系叫做,,"带血的牛肉"..

哈哈哈,,够雷吧??

不过亦都系全场烤肉里面最好食既,,

因为其他既烤肉都烤得比较老身,,比较鞋口,,

但因为呢个仲系"带血",,所以就好自然地烤得比较嫩滑,,

嫩到用个叉轻轻一点,,都可以见到丝丝血水渗出..

正啊,,真系好滑溜..

当然,,呢度除左手持法器既牛仔之外,,仲有比较自由既纯自助餐区既..

不过果边既野就比较一般了,,

汤粉面饭,,寿司,,水果,,沙律凉菜,,麻辣烫..谂到既大概就只有呢D了,,

芝士番茄几好食,, 不过上面D芝士末食得多都比较腻..

茶叶虾唔好食,,全部都过晒气了,,得翻一阵油益味,,难食..

沙律一般,,因为怕沙律酱会太肥,,所以全部都食得就住就住..

水果我只系拣左西瓜,,多汁,,仲有几件系起沙架,,

由于呢度既自助餐系无自助饮品既,,只有汤类,,或者白滚水,,

而系众多汤水里面,,又好似只有罗宋汤系比较值得一饮既..

因为试过所谓既玉米忌廉汤,,结果系无忌廉味架,,只有奶粉味..

而罗宋汤虽然酸左D,,不过加埋D杂菜,,会显得比较有营养..

虾丸,,白水煮既..淡而无味..

鸡扒,,又系过晒气既,,得翻D油益味...搞到我仲要比某虫笑,,吓我话会激嬲手持法器既牛仔,,

拍青瓜,,酸酸辣辣,,都几好味..

咖喱薯角,,得D薯味咯,,完全Feel唔到有咖喱味..

总既黎讲,,我觉得呢度比较一般,,因为自助餐可选种类比较少,,

而且夸张既系,,自助餐里面居然无饮品,,净系得白滚水,,

想要饮品??OK无问题,,俾钱咯,,不过我又觉得唔值得吖..

烤肉有部分都几OK既,,例如果个"带血的牛肉"..够晒滑溜,,

其他就一般喇..

就餐既时候,,旁边果然有黑人歌手系度表演唱歌,,几过瘾,,

最搞笑既果然系,,个女歌手用D唔咸唔淡既普通话唱<童话>..

中午还是比较值得黎试下既,,晚餐的话性价比就唔高了,,