泮溪酒家 (龙津西路)

营业中

休息中

泮溪酒家经过转手落到四洲集团旗下，光辉依旧，而且外卖部亦增加经营好多小食添，饮茶吃饭烧腊小食佳不误。早茶时间为7点至11点，9点几至去到经已门庭若市，大堂亦水泄不通，咨客都停止派号了，难得黎到真系想试试，唯有出去逛逛再等10点嘅午茶派号。10点左右翻到黎咨客居然话仲有早茶位，不过11点埋单离位，午茶价格大部分一级跳嘅。芋头糕煎得好干爽实正，而且油份少，芋头亦好粉味香，味道略为清淡，如果多翻少少五香粉腊味之类嘅提味可能会更正。芋角外皮松化，芋泥粉糯，馅料系生肉馅配麻油香，配搭几新奇。腐皮卷嘅腐皮MS为鲜腐皮，韧度颇高，入边嘅馅料少而不爽，配类似蚝油汁上感觉唔够清素，幸运楼的上汤配感觉更佳。牛肚煲仔粉嘅牛肚味浓焖得好霖，肠粉比较实煲得唔够透心，粉汁重口味，微辣。苦瓜饺子居然我埋咗单至黎，无得试真系可惜…饮完茶系泮溪逛翻个圈欣赏下都颇唔错，环境真系好靓，庭院建筑特色独特。物价上涨，连茶市亦大飞跃，感觉真系越黎越唔贵，都系去翻岩自己口味嘅茶市好了。