尊宝比萨

营业中

休息中

话说每次尊宝出团都冇咩兴趣，事关本身唔多中意食呢D，但群内一个二个食过噶时不时话好食，卒之我都忍距唔住啦，团咗份，最早59.9蚊冇团，家下一模一样噶套餐69蚊团咗，我系咪真有D傻唻，哈哈！环境地点：新市墟过去一个站往北修理三厂站，斜对面就系啦，店内位置唔多，我去系挨晚去噶满晒位，服务员见我有D闹糙，都好口好面噶建议我打包，横掂都系免费打包噶，我同意咗，所以成个餐打包返屋企食啦！食后感：经过群友建议选噶系核桃披萨，披萨12寸真系好大啊，而且拧到屋企仲系热辣辣噶，披萨唔系好厚，不过核桃仁真多，而且好酥脆，拉丝能拉到好长，可见芝士系落咗好多噶，鸡米花同麦当当噶差唔多，份量少咗D，几香脆，鸡肉串冇咩特别都系奥尔良口味果种。食完之后总觉得少咗乜嘢，后尾醒起，套餐包括噶一张会员卡未俾我，搞到我打电话过去，店员一路话对唔住，话第日我经过可以随时去攞。晕、、、、、、、、披萨味道我呢个唔多中意食披萨噶都觉得起码呢个核桃噶仲系唔错噶，但团购价钱其实唔多抵，因为店内有几个促销套餐，不过系10寸噶披萨，价钱同团购价都差唔多，直接到店去食都唔会贵到去边。唔见得一定团购先去。