萨莉亚意式餐厅

营业中

休息中

星期日同BF去东湖睇完荷花，顺路去东山逛下，中午时分，天黑黑，霖起仲有两张萨莉亚的畅饮吧团购券仲未用，就去解决午饭。我地11点几去到，唔使等位，旁边一班阿姨帮小朋友庆祝生日，有D吵。我地点左一个肉酱饭、一个罗勒意粉、一份鸡翅、一份铁板鱿鱼，当然仲有两份畅饮。肉酱饭上面有好多芝士和肉酱，但是饭量比较少，比较腻。罗勒意粉分量几多，罗勒的味道类似薄荷，里面仲有一些烟肉，味道唔错。鸡翅炸的几嫩，每次来到必点。铁板鱿鱼好大只，稍微有点咸。畅饮试左果种果汁，除了橙汁味道淡而无味以外，葡萄汁、苹果汁、水蜜桃汁都Ok。最后bf试左两杯咖啡，味道比较奇怪，奉劝大家唔好试。呢餐饭，唔计团购果两张券，食左50文，性价比还是很高的。