天成川菜馆

营业中

休息中

朋友介绍过去既，系门口见到三只红辣椒，我同老公两只唔食得辣既吃货就犹豫了，不过谂到平时就算working day都排晒长龙，估计应该好好食，于是两只吃货就义无反顾甘冲左上去了……首先二话不说点左份酸菜鱼，同服务员再三强调小辣微辣DD辣，满心期待等左好耐终于上菜结果都系太过辣T.T唯有一边狂饮汽水一边擦住眼泪一边品尝酸菜鱼，结果最尾饮汽水都饱到想喊了。不过招牌菜果然系招牌菜，未食就闻到鱼香酸菜香酸菜鱼香，果真令人食指大动。小心翼翼夹起一块鱼肉，切得好薄，汤汁滑过白白既鱼肉跌落碗中，真系有种不顾一切塞入嘴巴既冲动，不过酸菜鱼比较多骨，尤其我呢种唔识食鱼既人真系要小心，细细条既鱼骨比较多，要慢慢挑出来先得。系人都知道酸菜先系酸菜鱼既精华，不过D酸菜吸收晒D汤汁既精华，食落比鱼肉辣好多，真系令人又爱又恨吖……总体来讲，天成算系一间其貌不扬既川菜馆，虽然无装修无咩服务无咩宣传，但系就每日都吸引一大批吃货顶住日头顶住高温系楼下既马路边一边吸尘一边排队，好吃程度可见一斑，真系壮哉我大吃货。