大家乐餐厅

营业中

休息中

星期六来附近既中医院睇医生，睇睇时间起码仲要三个钟先到我，为左一个下午茶我顶住大太阳行左差唔多半个钟来到大家乐。本来想食十二蚊既特价下午茶，陪红豆冰西多，点知点餐果阵话红豆冰要加七个半，奇怪，上次去江南sunday果间又唔使，见店内广告都系得奶茶西多系十二蚊，唯有照点啦。大家乐既热奶茶一向都几得我心，虽然滑既程度唔及果D茶餐厅十几二十蚊既出品，但系奶茶香可以补救翻，都饮得杯落，最紧要抵吖嘛，十二蚊一杯奶茶一个西多；至于西多就麻麻了，首先卖相就唔吸引，好多油甘样，食左一啖果然如此，满口油，即刻召唤老公神兽搞掂距，望住老公日益增进既肚腩，我都有D唔好意思了……以前净系知道唔同既大家乐价钱会有DD差别，原来连特价套餐都会有唔同既，以后真系要睇真D先艾啦，行甘耐去食呢D耶，真系唔抵。