堂会 (已結業)

平时去堂会多数系上午同中午，不过今日订位果阵话得翻下午4点10到7点几果场，都好啦，当去食晚饭啰！点知去果阵塞车，迟左15分钟先到，睇到大堂有10个左右等紧位（估计多数系嚟执“死鸡”既）去前台讲左预约号，个靓女话无晒房啦，要等等！然后距睇左下电脑，叫我去一零几房，最后补充一句：下次早D!（唉！都费事同距计较）入咗房放低D嘢就即刻去摞嘢食，果然好多人，特别系排队摞三文鱼同北极贝既摊位，最衰仲有人打尖，个鱼生师傅应该系新手，旁边有个监工指导距做嘢，真系切得好慢，D鱼片仲好细块，排一次队只得1片三文鱼同1片北极贝，相当矜贵！其实晚上剩系多左呢样嘢，其他都差唔多。堂会有几样值得食：葡挞（同K记差唔多）、鸡扒（香脆）、牛筋丸（有牛味够弹牙）、烧鸡翼、串烧、双皮奶、心太软；副选有：生滚粥、拉肠粉、生果、班戟、酥皮汤，品种都算多！饮品就我就选立顿既柠檬茶、奶茶、咖啡、蜂蜜绿茶，另外好多人拣既椰汁就要睇你钟吾钟意啦！