卡朋西餐馆

营业中

休息中

之前团购左卡朋噶双人套餐，于是琴日得闲就过去啦。去到发现卡朋一如既往甘多人，好彩都有空位。我地系团购噶，所以唔洗点餸。落单之后过左大概15分钟，就上菜了。打头阵噶系罗宋汤同粟米忌廉汤，有两个面包同牛油送。罗宋汤还好，但个粟米忌廉汤真系好麻麻，味道好淡。之后就到水果沙律啦，呢个几满意，有苹果、哈密瓜、火龙果、小番茄、生菜、西瓜、提子。而且重点系距D沙律酱好好味啊，好特别。跟住就上左两杯饮品，分别系柠檬茶同蓝色多瑙河。柠檬茶特别之处就系，距杯柠檬茶系无落糖噶，距系另外配比你，你根据自己需要加，不过唔加偏苦咯，我就肯定会加噶。杯蓝色多瑙河我睇D颜色就估系葡萄汁，饮落口感唔错，杯底发现有山楂做配料，几MATCH。饮左两啖饮品，主菜就上了，一个系黑椒牛扒另一个系吞拿鱼白汁意粉。个扒我要左7成熟，煎得几嫩下，配上黑椒汁几野味。但个意粉就好麻麻了。味道偏淡，于是我地问有无椒盐，结果服务员拿左孜然比我地。。。真系经典！最后唔少得噶紧系甜品啦，芒果布丁，第一啖几好，之后就无咩感觉。但另外果个焦糖吉士就好好味啦！上面噶焦糖脆脆地，下面噶炖蛋又香又滑。今时今日60蚊可以吃到甘多嘢~~团购实在太抵了！