影片
更多
2011-07-05
3 浏览
虽然好耐之前已经在dp 睇过呢间大排档的食评，当然系流晒口水啦，但因为路途复杂，而且要预定，总系落唔到决心帮衬，咁在朋友预订佐汤之后，再带我来过一次之后，好啦，有信心可以揾到啦，先动员屋企人再次帮衬。电话预订佐1点的汤，打电话的时候已经有d 担心会俾拒绝，因为我都知佢哋2点就休息嘎啦，不过有事无办法啦。当时的态度已经麻麻，话佢哋收工就唔做生意嘎啦。意外的事随时都会发生的，就系呢次屋企人开车从南海方向开返过芳村，上次朋友开车系从六二三路方向过去的，方向完全唔同，咁我呢个小路盲未去过的地方系无咩方向感的，一路搵一路问，兜兜转转，终于2点先去到。期间店家有打电话来催的，但系真系好难搵。好啦终于去到，爸爸放车，我就第一时间冲入去开位，当时仲有2台客，老板娘已经好唔高兴，跟住落单果个阿姑仲犀利，阿姑：“你哋得两个咋？未到齐唔做你生意嘎啦”我：“放紧车啦，即刻开位即刻点菜。”呢头上佐个汤，阿姑忙完我就点菜啦，其实都唔知有咩，米落个上次吃过的豉油鹅啦，大路的番薯叶。跟住我妈咪入到来，佢又想知有咩啦，咁米谂下洛。哇，阿姑非常有性格咁。同佢推介，推介佐2个，妈咪都唔系太中意，跟住阿姑就开始发脾气啦。妈咪
电话预订佐1点的汤，打电话的时候已经有d 担心会俾拒绝，因为我都知佢哋2点就休息嘎啦，不过有事无办法啦。当时的态度已经麻麻，话佢哋收工就唔做生意嘎啦。
意外的事随时都会发生的，就系呢次屋企人开车从南海方向开返过芳村，上次朋友开车系从六二三路方向过去的，方向完全唔同，咁我呢个小路盲未去过的地方系无咩方向感的，一路搵一路问，兜兜转转，终于2点先去到。期间店家有打电话来催的，但系真系好难搵。
好啦终于去到，爸爸放车，我就第一时间冲入去开位，当时仲有2台客，老板娘已经好唔高兴，跟住落单果个阿姑仲犀利，
阿姑：“你哋得两个咋？未到齐唔做你生意嘎啦”
我：“放紧车啦，即刻开位即刻点菜。”
呢头上佐个汤，阿姑忙完我就点菜啦，其实都唔知有咩，米落个上次吃过的豉油鹅啦，大路的番薯叶。跟住我妈咪入到来，佢又想知有咩啦，咁米谂下洛。哇，阿姑非常有性格咁。同佢推介，推介佐2个，妈咪都唔系太中意，跟住阿姑就开始发脾气啦。妈咪见咁就算啦，就点阿姑推荐的水瓜芋头啦。顺口话最紧要快。阿姑几劲啊，即刻驳嘴，“我叫得你点的就梗系快嘎啦。”真系顶佢唔顺。
好在个猪肚汤好正，连d 渣都好好味，够晒火候，好在咋，咁我妈咪先顺返条气。
番薯叶几嫩，而且都好甜，分量都ok大啵。
豉油鹅我就觉得有d 甜过头啦，不过都几惹味。
水瓜芋头我就唔系咁中意，不过鬼叫我哋去得迟咩。
无菜单无店名无价目的，有无计错计多就睇阿姑心情啦。
未知其他野好唔好吃，我估我会搵机会再去的。
张贴