旧街场白咖啡 (已結業)

就如其他网友的总结评价一样：以后都唔会再帮衬佢！食物质素本身一般，部长态度极其差！今日发生一件令我好气愤既事！晚上打算去UA睇戏但未开场，于是去呢度霖住坐低等老公过黎吃饭跟住睇戏。入去之前我问侍应餐厅有无wifi同插座，我话我想用电脑，佢态度好好带咗我去一个有插座既位坐低。于是我点咗杯奶茶然后挪电脑出黎写稿。大概半个钟头后，一个部长行埋黎同我讲：＂唔好意思我地宜家晚市唔可以用我地d电，你唔好用电脑了，再系甘我叫你出去外面玩噶！＂我好气愤，即刻关机埋单然后同个部长讲：＂我觉得你态度好差，第一，你无明文规定入黎食野唔可以用电脑；第二，你觉得我点杯野用你d电仲蚀咗比我，甘你可以写明几多最低消费用几多电；你甘样做好无礼貌，我以后都唔会帮衬你。＂佢话：＂好啊！＂佢可能以为得失一个客人无所谓，但佢忽视咗得罪一个客人既影响力。我最后仲祝佢好生意！